Página prinsipal

E meta prinsipal di Fundashon Kuida nos Kurason (FKnK) ta pa prevení malesanan di kurason i duna informashon ku ta optenibel den forma di foyeto i kurso.

E tópikonan di nos foyeto ta kubri e parti di síntoma, kon ta prevení, faktor di riesgo i kon ta yuda un hende ku tin e komplikashon di un atake di kurason.

Nos ta duna kursonan di reanimashon i uso di AED. FKnK ta for di 2008 un international trainings center di AHA i ERC. E kursonan ta kontribuí na hisa e chèns ku un hende ku sufri un atake di kurason ta keda na bida. Nos ITC ta kubri tur nos otro islanan den Antias, pa mas informashon wak nos página di informashon i kurso.

Nos ta organisá i partisipá na, vários eventonan i programanan públiko kaminda e muchanan for di 12 aña den enseñansa básiko ku ta "Mi Kurason ta BATI, BATI" i tambe den nos enseñansa sekundario ku ta "E Kick di nos Salu" i pa nos adultonan den kompania, bario i famia ta "Ban Move AWOR". Unu di nos eventonan ku nos ta organisá tur aña ta e "Cardio-Chek pa Manager".